Fjoerfoks

Fryske Firefox foar Android

2012-02-09T21:30:00.000+01:00

Sûnt koart is it mooglik om ek op dyn Android-mobyl of tablet de Fryske Firefox te ynstallearjen. Firefox wie al beskikber yn de Android market, mar allinnich yn in pear talen bygelyks it Nederlânsk.
Der is in protte kommentaar op de wurking fan de offisjele ferzje en Mozilla hat it ûntwerp no sa oanpast dat it no wurket as in saneamde `native app`. Dit hâldt yn dat menu´s net mear ûnderdiel binne fan Firefox, mar der wurdt gebrûk makke fan de standert Android menu´s. Hjirtroch wurket Firefox folle flugger.

Dizze nije ferzje is noch bot yn ûntwikkeling en is allinnich noch mar beskikber op it saneamde Aurora-kanaal. De ynstallaasjepakketten foar alle talen stean op de FTP-tsjinner fan Mozilla. De Fryske ferzje hat fy-NL yn de namme en einiget op .apk. Yn de ynstellingen fan Android moat wol ynsteld wurde dat it mooglik is om apps te ynstallearjen fan oare plakken as de market. Dêrnei is it ienfâldich en ynstallearret Firefox Aurora sich as app tegearre mei de lossteande app Sync.
Ien bekend probleem is dat flash-ynhâld op websites ferskood wurdt.

Mei Sync is it mooglik om dyn apparaat te keppeljen oan de Firefox op de laptop of buro-PC. Ien kear keppele dan syngronisearret Firefox dyn skiednis, blêdwizers en iepen ljêpblêden, wêrtroch it sneupjen mei help fan dizze gegevens makliker giet.

Net benaud om ris wat út te probearjen, ynstallearje dan de lêste ferzje en lit my of Mozilla witte hoe´t it wurket. Ek taalflaters binne wolkom.

Firefox en Thunderbird 10

2012-02-03T23:36:00.003+01:00

Al wer in nûmer fierder. De ûntwikkeling giet sa fluch dat ik mei it oersetten sels ek wol wat ferjit.
Sa seach ik dat by de avansearre opsjes fan Firefox by it ljepblêd Fernijing in part noch yn it Ingelsk stiet. En miskien op noch mear plakken mar dat haw ik noch net sjoen. De stikken tekst binne al wol oerset mar binne troch in flater net opnommen yn de lêste ferzje.
Gjin noad, yn de folgjende ferzje 11 oer noch gjin 6 wiken sil it korrisjearre wêze.

Oerigens is der ek al in Fryske Firefox ferzje foar mobyl, mar deroer letter mear....

RSS-feed Omrop Fryslân yn Firefox

2012-01-19T21:00:00.000+01:00

De lêste tiid foel my al op dat ferskate artikels dy't yn it RSS-feed fan Omrop Fryslân steane net mear de korrekte URL hienen. Sa waard yn artikels mei in '-teken fêst trochferbûn nei it lêste artikel yn stee fan it oanklikte artikel.

Dêrom mar ris kontakt opnommen mei Omrop Fryslân. Nei wat ûndersyk die bliken dat it standert RSS-feed dy't no yn Firefox ynboud is net mear goed is. Mei it fernijen fan it webstee is ek de lokaasje wizige fan it feed. Eartiids wie de URL foar de feed http://rss.omropfryslan.nl/, dat is no wizige yn http://omropfryslan.nl/rss.

Hawwe jo de Fryske Firefox, dêr't standert it feed fan Omrop Fryslân yn sit, wizigje dan efkes it feed. Dat kin troch de keppeling nei http://omropfryslan.nl/rss te folgjen en dan No abonnearje te selektearjen. De âlde kinne jo fuortsmite troch der mei de rjochtermûsknop op te klikken en dan Fuortsmite. Ik haw ek probearre om dit te wizigjen fia Eigenskippen, mar dat slagget my net. Dat fyn ik sels in bytsje frjemd omdat it liket dat dat wol mooglik is. Ik koe de tekst wol wizigje mar as ik dan op 'e nij de eigenskippen opfreegje is der neat wizige. As jo oare ûnderfining hawwe dan hear ik dat graach.
Oerigens sil de omrop de âlde letter trochferwize litte nij de nije, sadat elkenien wer in goed gefoel krije kin mei it gebrûk fan it feed yn Firefox.

Firefox 7 en Thunderbird 7 no yn te laden

2011-09-28T00:29:00.001+02:00

Juster is der wer in nije ferzje útkommen fan Firefox en Thunderbird.
Mozilla wit sich op dit stuit noch goed te hâlden oan de útjefte eltse 6 wiken fan in nije ferzje.
Hast Firefox of Thunderbird al, klik dan op Firefox>Help>O(v)er Firefox en klik op Fernijing tapasse as dy ynladen is.
De programma's binne nij yn te laden fan ôf:
http://www.mozilla.org/fy-NL/firefox/ foar Firefox 7 en

http://www.mozilla.org/fy-NL/thunderbird/ foar Thunderbird 7.

Brûk de lêste ferzje foar de heechste faasje en grutste feilichheid.

Indigenous Blogs.

2011-09-19T09:17:00.003+02:00

It Indigenous Tweets projekt is seis moannen âld en no komt Kevin Scannell mei in nij projekt: Indigenous Blogs.
Mei dit blog wol Kevin in samling meitsje fan blogs yn minderheidstalen of útstjerrende talen. Natuerlik (of spitigernoch) is der ek ien foar it Frysk: http://indigenoustweets.com/blogs/fy/.
Fierders brûkt Kevin dizze samling foar ûndersyk nei talen en it meitsjen fan wurdlisten.
Op dit stuit binne der 17 Fryske blogs. Hast sels ek in blog yn it Frysk dan kinst dat op deselde side ynstjoere.

Aksje fan Praat Mar Frysk mei Firefox

2011-04-19T13:55:00.005+02:00

Moandeitemoarn bin ik tegearre mei Praat Mar Frysk in aksje begûn om de Fryske Firefox bekender te meitsjen. Foar Praat Mar Frysk haw ik in skoft lyn al ris in saneamde Persona makke, dy't brûkt wurde kin om Mozilla Firefox oan te klaaien mei it logo fan Praat Mar Frysk.
It blogartikel stiet op it webstee fan Praat Mar Frysk en in wiidweidiger artikel stiet op mozbrowser.nl. Dyjinge dy´t meidwaan wol, moat in skermôfbylding fan de Fryske Firefox mei it Praat Mar Frysk-Persona opstjoere nei praatmarfrysk at gmail.com. In protte súkses!

Firefox 4 needs a Save-button

2011-03-17T13:43:00.004+01:00

Firefox 4 is just around the corner and I am using this extensively since the first beta's. There are so much under the hood improvements like speed, support for HTML5, CSS3, hardware acceleration, crash protection, WebGL and many many more.

One other more visible feature I really like is "Pin as App" which gives your favorite website a prominent place on the tabbar with your other tabs. Together with also a new feature "Panorama" this is a very effective way to organize your daily life on the web or even better your work. If you, like me, have multiple projects going on for several days or weeks, you will end up with lots of open pins and tabs organized into labeled sections in Panorama.
Recently I had 2 issues with this type of organization. Firstly my Vista decided to give up (not by Firefox though) and pushing the power-button was the only way to restart. Firefox wasn't able to restore my open tabs. Secondly I was in a hurry and quickly exited all Firefox windows with the last window only open with Gmail. As my setting is to open with the latest session Firefox opened with Gmail again as supposed to.
Of course with lots of open tabs and pins this wasn't the behavior I like, which led me to the idea that if it is becoming that important, Firefox needs a Save-button. Hitting this button every now and than while working, will secure your current state and not the state after a crash or stupid mistake, just like you would do in any other document.
It is kind-a-like the add-on Save session with an option to restore. Will think about this a little longer.

Earste Fryske bèta fan Firfefox 4

2010-11-12T09:51:00.002+01:00

It hat efkes duorre troch wat persoanlik geharrewar, fakânsjes ensfh., mar mei it útkommen fan de lêste bèta 7 fan Firefox 4 is der no ek wer in Fryske ferzje beskikber foar Windows, Mac en Linux.
En dat is dan daliks ek in wichtige bèta, want yn dizze ferzje sit ûnder oaren de nije JavaScript-masine JägerMonkey (en) wêrtroch siden flugger laden en nofliker laden wurde. Dit is bygelyks merkber as immen spultsjes docht op it ynternet lykas Super Mario.
Ien dy't al gewoan is mei Firefox sil nei it opstarten daliks al in ferskil sjen yn it uterlik, de ljepblêden steane no boppe-oan yn stee fan ûnder de blêdwizerbalke.

Ek is standert de menubalke útskeakele, wat ek wol efkes wenne moat. Alle menu-items sitte no ûnder de oranje Firefox-knop linksboppe.

De ûntwikkeling fan Firefox foar de kompjûter giet no lyk op mei die foar de mobyl. Dêrfoar is no ek standert Sync ynboud. Hjirmei is it mooglik om alle of in part fan de gegevens dy't yn Firefox bewarre wurde, lykas wachtwurden, skiednis, iepen ljepblêden ensfh. te dielen mei oare kompjûters, mobyltsje, of hokfoar apparaat dan ek dêr't Firefox op wurket. Mei nammen op in mobyltsje sil it wurkjen mei Firefox dan folle flugger gean, omdat ien kear ynfierde ynformaasje beskikber is en besochte websteeën yn de skiednis steane.

Foar ien dy't graach in protte ljepblêden iepen hat is der no Panorama. Dit kin helpe om de ferskate ljepblêden better te organisearjen en ûnder te bringen yn groepen. Grafysk moai dien fyn ik sels.

Der binne natuerlik noch folle mear fernijings en dêroer kin elkenien kommentaar jaan mei de saneamde Feedback-knop rjochtsboppe-oan. Dit sil bydrage oan de ferbettering fan de finale ferzje fan Firefox 4 dy't begjin 2011 klear wêze sil.

Earste dei konferinsje grut súkses

2010-07-08T23:08:00.003+02:00

De earste dei fan de konferinsje yn Vancouver is oer. It wie, sa as se dat sizze as Amearikanen, `awesome`! No is it by har al gauris ´awesome´, mar ik moat tajaan, it is echt fantastysk. Oan alles is tocht en net ien sil tekoart komme, oft´st no wurknimmer bist of in frijwilliger lykas my.
Dit is Mozilla´s manier om har ´contributors´ te betankjen en dêrneist elkenien op ´e hichte te hâlden fan wat der bard en noch mear wat der barre sil. De organisaasje organisearret dit evenemint no foar de twadde kear en der binne minsken fan oer de hiele wrâld. Minsken dy´t allegearre ferskate dingen dogge foar de programma´s fan Mozilla, byg. Firefox, Thunderbird, Mobyl, ensfh. Der binne ûntwikkelers, oersetters, ynternetûntwikkelers, PR en der binne prachtige demo´s fan wat de takomst fan it ynternet wurde kin. It moaie is dat´st it gefoel krijst mei te dwaan oan de ûntwikkeling fan it ynternet, hast in idee dan sizze se: ´bring it on´.

Oare ûnderwerpen binne natuerlik feilichheid, iepenheid, mienskipsorganisaasje en kommunikaasje. Ik bin benijd wat tongersdei de ûnderwerpen binne en hokker minsken ik dan wer treffe sil. Yn elts gefal sil ik Fryslân promoatsje op de wrâldekspo.

Community Marketing Call 06-09-10

2010-06-09T21:07:00.001+02:00

Myn idee foar in briefkaart is ferwurke yn dizze SlideShare presintaasje op side 9/13:

Community Marketing Call 06-09-10

View more presentations from Sarah Doherty.

First Dutch Thunderbird meeting

2010-06-07T10:20:00.006+02:00

Although, while writing the title of this article, I am not sure if this was really the first Dutch Thunderbird meeting, it sure was for me. After some discussions with Ludovic, who is responsible for Thunderbird's QA and lives (as a Frenchmen) in The Netherlands, we finally arranged a small gathering in Utrecht.
We ended up with the five of us. Tim Maks as the lead of the Dutch localization, Adri who is the upmost active moderator of the best Dutch Mozilla forum MozBrowser.nl, of course Ludovic, Onno Ekker being active as bugsolver and add-on creator (Forward) and me being responsible for the Frisian localization.
Of course we all "know" each other online, it is always nice to talk face to face to each other and most conversations aren't as short as they are mostly online. There's more time for discussing ideas, brainstorming and of course drinking a beer with fellow Mozillians.
We want to continue this kind of gatherings, maybe taking this to a broader audience by doing it for all Mozilla-products or together with a Mozilla event. Let's see what comes out.

Mozilla (Thunderbird) gearkomst

2010-04-29T18:30:00.000+02:00

Op 5 juny 2010 is der in lanlike gearkomst fan minsken dy't meiwurke hawwe oan de Fryske en Nederlânske ferzjes fan Thunderbird. Ek sil de man dy't ferantwurdlik is foar de kwaliteit, Ludovic Hirlimann, oanwêzich wêze, in pear ûntwikkelers en leden fan MozBrowser.nl.
De gearkomst wurdt hâlden yn Rockcafé Staiway to Heaven en elkenien is wolkom fan ôf 14.00 oere oant ..... om tegear wat te drinken en by te praten. Miskien wurdt der ek noch wat Mozilla-goud útdielt.

Browserkarskerm

2010-03-10T10:18:00.002+01:00

De kommende tiid sille brûkers fan in kompjûter mei Windows as bestjoeringssysteem en Internet Explorer as standert browser fia de automatyske fernijings fan Windows in skerm foar har noas krije, wêryn't se frege wurdt om in kar te meitsjen foar in browser. Dit is it gefolch fan de saak dy't Opera starten is by de Europeeske Kommisje tsjin de bondeling fan de browser (IE) yn it bestjoeringssysteem en it ferneamde misbrûk fan de monopoaljeposysje.
Uteraard hat Mozilla hjir ek belang by en binne se drok dwaande om minsken te ynformearjen oer hoe't se in kar meitsje kinne. Ien fan de sides wêr't brûkers op komme as se kieze foar Firefox is de side browserchoice.mozilla.com.
De brûkte taal is ôfhinklik fan de ynstellings fan de kompjûter dy't brûkt wurdt. Ast faker automatysk Fryske sides sjen wolst is it tûk om de taal fan Windows yn te stellen op Frysk. Yn Windows XP(fanôf sp3) kin dat fia Start->Configuratiescherm->Landinstellingen en dan yn de list Fries (Nederland) selektearje.

Fierders binne der 4 buttons makke krekt as hjirboppe dy't op it in webside pleatst wurde kinne om jo te attendearjen dat jo in kar hawwe.
En hoe kinne jo in kar meitsje? Dat is te lêzen op opentochoice.org, in webstee dy't ynkoarten ek yn it Frysk en Nederlânsk ferskine sil. Letter mear hjiroer.......

Firefox 3.6

2010-01-21T07:35:00.001+01:00

Tongersdei 21 jannewaris is de útjeftedei fan de nijste ferzje fan Firefox 3.6. Natuerlik wer letter as dat de planning wie, mar de kwaliteit bliuwt belangryk.
Wat is der nij yn dizze ferzje:

Personas: om it úterlik fan Firefox nei eigen sin te feroarjen, selektearje dan nije tema's mei de namme “Personas” troch ien klik en sûnder op 'e nij op te starten
Ynstekker fernije: om jo te befeiligjen tsjin potinsjele feilichheids-kwetsberens, ynformearret Firefox jo no oer âlde ynstekkers, bygelyks Flash
Stabiliteitsferbetterings: yn Firefox 3.6, bin it tal software-ûngelokken lytser wurden troch dat software fan oaren op in oare manier Firefox gearwurkje
Formulier oanfolling: as jo online in formulier ynfolje, sil Firefox ynformaasje foar fjilden foarstelle basearre op jo algemiene antwurden yn deselde fjilden

Wat is der ferbettere:

flugger opstarte
flugger iepenje fan ljepblêden
flugger resultaten út de bjusterbaarlike balke
Fideo yn it iepen ogg-formaat kin no ôfspile wurde yn folslein skerm

In oersicht fan de fernijjings is te sjen yn in fideo op mozilla.com.

Earste fernijing Thunderbird.

2010-01-20T21:17:00.004+01:00

Seis wiken nei it útkommen fan Thunderbird 3.0, is der no de earste fernijing, 3.0.1. Neist in tal technyske ferbetterings wienen wy ek yn steat om lytse taalflaters, dy't trochjûn wienen troch brûkers, te ferbetterjen. Sa sieten der bygelyks yn de Help -> Migraasje-assistint in pear grutte flaters en wienen "van" en "aan" yn de berjochtkop net oerset nei it Frysk.
Wolle jo dizze fernijing ek krije, klik dan op "Help" en dan "Kontrolearje op fernijings...". Oerigens sil dit normaal al barre op 'e eftergrûn. Hawwe jo noch ferzje 2, dan kinne jo de lêste ferzje ynlade fanôf mozillamessaging.com.

Thunderbird 3.0 is klear!

2009-12-09T15:09:00.005+01:00

Stjoer it rûn!

Mozilla Thunderbird hat ferzje 3.0 beskikber makke op harren webstee. En it moaiste dêrfan is dat der no ek in Fryske oersetting is. De Fryske ferzje is fan no ôf op 3 plakken yn te laden. As dyn browser yn it Frysk is, byg. Firefox of Opera, ienfâldich fia de webside fan Mozillamesaging.com. De twadde mooglikheid is de oersichtside mei alle talen en de tredde is de Fryske side.

Tegaar mei Hindrik Sijens hawwe wy in pear moannen dwaande west om alle bestannen oer te setten. Dêrneist hawwe wy noch in tal online bestannen makke, bugs melden, de Fryske kalinder foar Sunbird/Lightning makke en Thunderbird testen, testen en testen fan ôf de earste saneamde nightlies. Wy hawwe no sels al nije taalwizigings dy't no noch net yn de 3.0 ferzje sitte, mar yn 3.0.1 komme. Lytse flaterkes dy't entûsjaste brûkers oan my melden hawwe. En sa heart it ek, tegaar dit produkt meitsje en ûnderhâlde, hielendal neffens it Iepen Boarne model. Hast ek noch wat taalbonkjes fûn? Reagearje dan op dit artikel of stjoer in e-mail nei fryskefirefox at gmail.com.

De haadpunten fan de nijste ferzje binne al earder besprutsen en kinne jo yn âldere artikels weromlêze. Koart gearfetten binne dit se:
* beskikber yn 49 talen wêrûnder it Frysk
* e-mail en sykresultaten yn ljepblêden
* nije sykmooglikheden
* nij argivearsysteem
* ferbetterings foar brukers: haadbalke is fersimpele, nije sykwidget, nije manier om jo e-mailaccount yn te stellen, tûke mappen, aktiviteitenbehearder, ien-klik adresboek en bylagewerinnering

Stjoer it rûn!

Thunderbird draws attention in local media

2009-12-04T23:00:00.003+01:00

Sending out pressreleases is always exciting, you never know if it gets picked up.
As a preparation to the final release of Thunderbird 3, I already sent out some triggers about the upcoming final in december. After a slow start last week it finally grew larger and resulted in a real (short) interview with the local radiostation.

Internetpress is here (Dutch) and here (Frisian). The interview can be relistened here and starts at approx. 47:00, and lasts for about 8 minutes.

Omtinken fan Omrop Fryslân foar Thunderbird

2009-12-04T22:48:00.003+01:00

Nei oanlieding fan in tal parseberjochten, bygelyks yn de LC en op ItNijs.nl (prachtich webstee oerigens), hie Omrop Fryslân ús belle om ynformaasje oer it programma. Hjoed hat Hindrik Sijens yn Omnium besocht om út te lizzen wat Thunderbird is en dat wie net ienfâldich. De ynterviewster helle in bytsje Firefox en Thunderbird troch inoar en dat lied ta wat sprekferwarren oer en wer.
Mar goed, lang om let wie der omtinken en dat is al hiel wat, sekers mei yn de efterholle dat sa'n berjocht net pleatst wurd op it webstee fan de Omrop wylst it wol nijs is yn in útstjoering.

It ynterview kinne jo nochris belústerje fia Utstjoering mist.

Thunderbird 3.0 Release Candidate 2 beskikber

2009-12-02T10:09:00.002+01:00

In wike nei RC1 is no RC 2 útkommen mei ferskate ferbetterings oan bugs dy't fûn wiene yn RC1.
De RC2 kinst ynlade fanôf Mozillamessaging. Hast RC1 al ynstallearre, dan kinst fernije fia Help -> Kontrolearje op fernijings... .

Thunderbird 3.0 Release Candidate 1 beskikber

2009-11-25T10:15:00.000+01:00

3 builds wienen der foar nedich om de earste Release Candidate fan Thunderbird 3.0 ree te meitsjen. Fanôf hjoed is Thunderbird 3.0 RC 1 beskikber om yn te laden fan de webside Mozillamessaging. Neist it Frysk is Thunderbird yn nochris 48 talen.
Release Candidates binne bedoeld om de nije ûnderdielen en wizigings fan Thunderbird 3.0 te testen. Nije ûnderdielen binne û.o.:

nije sykmetoade (Gloda Search)

e-mail yn ljepblêden

berjochtargivearing

nije account ynstelhelper

De ferbetterings foar ûntwikkelers kinne jo hjir neilêze (Ingelsk).

Minsken dy't graach teste wolle kinne de Release Candidate ynlade en ynstallearje. Alhoewol ik sels al in tiid mei súkses Thunderbird 3.0 brûk, rêt ik elkenien oan, as jo al Thunderbird brûke, om te testen mei in nij profyl, sadat jo besteande e-mail net ferlern gean kin. Dogge jo dat wol, meitsje dan in reservekopy fan jo profyl en hâld der rekkening mei dat ferskate tafoegings noch net kompatibel binne.
De byhearrende Lightning tafoeging foar aginda's en taken kinst ynlade fanôf Mozilla's FTP.

Thunderbird 3.0 Release Candidate 1 wurdt makke

2009-11-18T12:55:00.002+01:00

Op dit stuit wurdt der hurd wurke om de earste Release Candidate fan Thunderbird 3.0 klear te krijen. In protte fan de 49 talen binne al klear wêrûnder it Frysk.
De earste tests jouwe in goed resultaat. Wol kaam ik noch in dinkje tsjin dy't ik net leuk fûn. Ast op it pop-up finster klikst as der in nije e-mail komt, dan wizigt it byld yn de linkerkolom nei "Tûke mappen" yn stee fan Byld->Mappen->Alles. Dêr haw ik in opmerking oe makke yn in bug.

Firefox 5 jier!

2009-11-09T11:40:00.007+01:00

Hjoed is it safier: Firefox is 5 jier wurden. De Fryske ferzje fan Firefox is der noch net sa lang, die wie der foarearst yn oktober 2006, dus no ek al 3 jier.

Yntusken is der al in hiel protte feroare en ferbettere oan de browser en binne wy op dit stuit by ferzje 3.5.5 en stiet 3.6 op it punt fan útkommen. It merke-oandiel is groeit oant 25% fan alle ynternetbrûkers en groeit noch hieltyd. Ek it tal Fryske Firefoxen nimt ta, bettere sifers sille wy ynkoarten krije fan de Mozilla organisaasje.

Om dizze jierdei te fieren hat Mozilla in spesjale webstee makke dy't mei help fan de mienskip oersetten is yn 27 ferskate talen en natuerlik sit it Frysk dêr ek tusken. Sjochris op spreadfirefox foar in prachtich ûntwerp en in moai foarbyld fan it gebrûk fan it canvas-elemint dy't brûkt wurdt foar de Fryske ûndertiteling fan de fideo. Dit is allinnich te sjen mei in browser dy't it canvas-elemint stipet lykas Firefox, Safari en Chrome.
No noch in manier fine om it Firefox-logo op de Aldehou te krijen.

MozCamp 2009 in Prague

2009-10-06T12:56:00.001+02:00

So that was it, the great MozCamp 2009 in Prague. What a delightful way to meet all the people who care about Mozilla, but also care about the (open) web.
William sure learned a lot from Barcelona last year and we ended up in a great venue in beautiful Prague. I really like to thank him, Irina and others who did a great job on organizing, giving useful information, getting us from A to B, providing tickets, T-shirts, etc., etc., etc. Absolutely wonderful!!

Great talks with a extremely active community for example on Twitter or Facebook. Easiest way to join the conference was just to listen to what the keynote speakers like Tristan or Seth had to tell about the history, present and future of Mozilla with Firefox in particular.

Great participation, you could join in one of the Advocacy-sessions with Mark Surman about Drumbeat. And I mean, how often do you get the opportunity to do a brainstormsession with Mike Beltzner, CEO of Firefox and Mary Colvig, head of Mozilla marketing, on how to make others aware (in our case photographers) to create an open web? We had come up with the idea of a Facebook.app which would show options for credits and share-ability and the option to tag photos with #iownthis as a way of expressing the desire to have more ownership over our digital content. Really cool and inspiring.
Next to L10n there's my interest in marketing and with that in mind the session with Mary Colvig and Barbara Hüppe, European Communications Manager, was cool too. We already made some progress in the celebration of the 5th anniversary of Firefox on 9 november. Several headlines were discussed, like "Firefox Powers The Web" and we thought about who to invite spreading the word: Oprah, Obama, Ballmer, Jobs, John Lilly?
To the left my proposed image to accompany the celebration, the 5 in a perspective view representing the past 5 years and the straight up Firefox logo meaning that Firefox is standing strong. Of course this is just a simple mock-up, Mozilla's graphical designers can do way better.

Great fun, we did have good laughs with sundaymorning as the top highlight, seeing Chris Hoffman doing his version of "I love this Community".

Great future, that's what I see for Firefox and Mozilla

Gee, do I love this Community!

Openweb diskusje op MozCamp 2009

2009-10-03T11:15:00.003+02:00

De earste moarn op MozCamp yn Praach giet mei nammen oer it OpenWeb. Hoe kin elkenien sels bepale hoe en wat hy op it ynternet docht en noch belangriker hoe kin it beskerme wurde. Wat foar kontrole hawwe wy oer de data dy't wy op it ynternet pleatse fia blogs, facebook, hyves, ensfh. Is it byg. mooglik om foto's letter wer feilich fan FlickR te heljen of opmerkings fan blogs en mienskipssiden. Dêr ûntsteane ynteressante diskusjes.
Letter mear....

Oftelle yn it Frysk

2009-09-24T18:38:00.003+02:00

Fia Facebook krige ik fan Otto de Voogd it fersyk om syn countdown klok oer te setten yn it Frysk en dat woe ik natuerlik graach dwaan.
It is no dus mooglik om in countdown klok op dyn webstee te pleatsen (mei Firefox reklame) yn it Frysk. De koade kinst meitsje litte op www.7is7.com wêr'st kieze kinst foar it Frysk (of ien fan de oare 44 talen.
In foarbyld stiet hjirûnder:
Ôftelle nei de Fryske Thunderbird 3

Thunderbird 3 Beta 4 Preview Release

2009-09-23T12:12:00.003+02:00

Thunderbird 3 Beta 4 is no beskikber om yn te laden yn ûnder oaren it Frysk. Dizze testferzje is bedoeld om de basisfunksjonaliteiten fan de nije ûnderdielen dy't yn Thunderbird 3 komme te testen.

Nije kenmerken en wizigings yn dizze testferzje dy't feedback nedich hawwe binne:

Nije ljepblêdfunksjonaliteit
Bettere sykfunksjes
Ferbettere nij account oanmeitsje
sjoch fierder nei de folsleine list mei oploste bugs

Lês asjobleaft de útjefte-opmerkings foar mear ynformaasje oer dizze útjefte ynklusyf bekende problemen foardat jo it ynlade.

Thunderbird 3 Beta 4 kin ynladen wurde foar Windows, Mac OS X, en Linux yn 43 ferskate talen. Meitsje altyd in reservekopy fan jo gegevens as jo mei jo aktuele ynstellings wurkje bliuwe wolle! Let op, de measte tafoegings sille net wurkje yn dizze ferzje.
Wolle jo gewoan efkes sjen en/of teste, meitsje dan in nij profyl oan.

Almost 1 billion, only 5 million to go

2009-07-28T13:56:00.002+02:00

As you can see on spreadfirefox there are almost 1 billion downloads for Firefox. Still just a few 5 million to go and we can start celebrating.
Start shooting your worldwonder photos, because it will only take a few days from now.

"Sharing is the nature of creation"

2009-07-23T16:56:00.004+02:00

There was a great documentary on TV in The Netherlands yesterday, which I think anyone in the Open Source community will like and definitely should take a look at. It's called "RiP! A Remix Manifesto" and is all about intellectual property.

One line which really hit me was from Gilberto Gill, musician and politician:

"Sharing is the nature of creation"
More on this you can find on www.opensourcecinema.org.

Chapter 12 is included here below, but there are 12 more, check it out.

video platform
video management
video solutions
free video player

Nije Thunderbird 3 bèta 3

2009-07-22T09:23:00.003+02:00

Thunderbird 3 Beta 3 is no beskikber om yn te laden yn ûnder oaren it Frysk. Dizze testferzje is bedoeld om de basisfunksjonaliteiten fan de nije ûnderdielen dy't yn Thunderbird 3 komme te testen. Foar mear ynformaasje kinne jo dit blog (EN) lêze.

Nije kenmerken en wizigings yn dizze testferzje dy't feedback nedich hawwe binne:

Nije ljepblêdfunksjonaliteit
Bettere yntegraasje mei GMail
Ferbettere nij account oanmeitsje
sjoch fierder nei de folsleine list mei oploste bugs

Lês asjobleaft de útjefte-opmerkings foar mear ynformaasje oer dizze útjefte ynklusyf bekende problemen foardat jo it ynlade.

Thunderbird 3 Beta 3 kin ynladen wurde foar Windows, Mac OS X, en Linux yn 43 ferskate talen. Meitsje altyd in reservekopy fan jo gegevens as jo mei jo aktuele ynstellings wurkje bliuwe wolle! Let op, de measte tafoegings sille net wurkje yn dizze ferzje.
Wolle jo gewoan efkes sjen en/of testen, meitsje dan in nij profyl oan.

Firefox 3.5 foaral flugger

2009-06-30T17:00:00.001+02:00

Firefox 3.5 hat gâns in list oan ferbetterings en wiist foaral op de hegere faasje wêrmei't websides laden wurde.

Nij is ûnder oaren it privee sneupe. Ienkear ynskeakele wurdt troch de browser neat bewarre lykas besochte sides of op de kompjûter bewarre lykas cookies. Tagelyk is it simpel om in webstee út de skiednis te heljen of om de skiednis fan de lêste oeren te wiskjen.

Om de faasje klam te jaan hat Mozilla in oantal fideo's online set mei de fluchste klapper en bekerkesstapelaar. Dizze fideo's wurde toand yn it nije iepen fideo-formaat ogg, hokker Firefox stipet; dêr binne dus gjin ekstra ynstekkers foar nedich.

In handige tafoeging is Lokaasjebewust sneupe. Websteeën kinne mei de lokaasjebepaling doelfêst ynformaasje oanbiede. Tapassings binne routeplanning, winkels yn de buert of bettere sykresultaten. Uteraard wurdt de privacy garandearre en wurde de gegevens allinnich dield nei útdruklike tastimming fan de brûker.

Firefox is mei de nije ferzje beskikber yn it Frysk, Nederlânsk en yn 73 oare talen. Neist Windows wurket de browser op Linux en MacOS. De hege mate fan oanpasberheid makket dat elkenien Firefox folslein nei eigen hân ynstelle kin.

De marketingkampanje draait no al op folle toeren. Sa binne der ûnder oaren in ûntwerpwedstriid, feestjes, Fastest Firefox en Firefox yn 35 dagen. In oar inisjatyf is de Mozilla Service-wike yn septimber. Frijwilligers kinne hjirby harren technyske kennis brûke om non-profit organisaasjes of âlderein te helpen mei ynternet. Foarbylden binne it ynstallearjen fan triedleaze tagong, fernijen fan in webstee of útlis oer it web oan âlderein.

Nije Firefox 3.5 tiisdei 30 juni beskikber

2009-06-29T10:15:00.001+02:00

Mozilla hat oanjûn dat moarn de nijste ferzje fan Firefox útkomt. Earst soe dizze ferzje al begjin dit jier útkomme mei it nûmer 3.1. Troch ferskate problemen mei de nije Tracemonkey en it ûndertusken tafoegjen fan mear mooglikheden is it no ferzje 3.5 wurden.
Stipe foar html5 foar it ôfspyljen fan fideo en lûd sûnder ynstekkers en privee sneupe wêrtroch gjin skiednis bewarre wurdt binne belangrike fernijings. Fierders is Firefox flugger wurden.

Firefox 3.5 Release Candidate beskikber

2009-06-25T08:43:00.003+02:00

Sûnt dizze wike binne der saneamde Release Candidates beskikber fan Firefox 3.5. Dit binne de lêste testferzjes foardat de definitive ferzje 3.5 útkomt. Warskienlik komt 3.5 tiisdei 30 juny út.
De RC kinst ynlade fanôf: www.mozilla.com

Binne jo de fluchste?

2009-06-24T23:03:00.002+02:00

Binne jo fluch yn ien oft oare keunst?
En wolle jo dat sjen litte oan Mozilla en de wrâld?
Meitsje dan in fideo en stjoer dy nei Mozilla.
Mear ynformaasje kinne jo hjir fine:
http://fy-nl.www.mozilla.com/fy-NL/firefox/fastest/

Mozilla Servicewike

2009-06-16T11:18:00.003+02:00

Hjoed hat Mozilla in nije website lansearre: serviceweek.mozilla.org.
Op dizze website wurde frijwilligers frege om harren (technyske) kennis te brûken om it libben fan oaren better te meitsjen fia it ynternet. It wurk dat útfierd wurde kin foar non-profit of publike organisaasjes of persoanen is bygelyks help by it meitsjen of bywurkjen fan in website, it ynstallearjen fan triedleas ynternettagong of it helpen fan de âlderein om op it web om te sneupen. Dit alles sil plakfine fan 14 oant 21 septimber.

Op de website kinst dy oanmelde as frijwilliger, mar kinst ek in oanfraach dwaan foar help. Hast do ûnderfining mei it ynternet, meld dy dan oan en help mei om it ynternet tagonklik en bjusterbaarlik te meitsjen!
Help nedich? Meld dy dan ek oan, mar in reaksje op dit berjocht mei ek.

Personas no ek yn it Frsyk

2009-05-13T21:58:00.002+02:00

Ien fan de Tafoegings dy't troch Mozilla sels makke is en dy't ik sels al in hiele tiid brûk, mei bygelyks de foto fan myn dochter, is no ek yn it Frysk beskikber. Sûnt ferzje 1.1 is de Fryske oersetting, makke fia babelzilla.org, meinaam by de ynstallaasje.

Mei Personas kinst it uterlik fan Firefox oanpasse sûnder in tema te ynstallearjen. It giet hjir dan ek allinnich om de boppeste balke wêr't de ikoantsjes steane en de blêdwizers en om de ûnderkant mei de steatbalke en sykbalke. Op it webstee getpersonas steane al in hiel protte moaie ôfbyldings wêrmei'st Firefox oanklaaie kinst. Sels haw ik earder al melding makke fan de Fryske flagge, mar der binne al mear mei in Frysk tintsje lykas Praatmarfrysk

en FROEKS.TV.

It meitsjen fan sa'n ôfbylding kinst hiel maklik sels dwaan ast in bytsje omgean kinst mei Photoshop of Gimp. Foar de boppekant jild dat de ôfbylding 3000x200 piksels grut wêze moat. Hâld der rekkening mei dat de rjochterkant fan de ôfbylding hielltyd yn byld bliuwt ast it Firefox skerm lytser of grutter makkest. De grutte fan de ûnderkant moat 300x100 piksels wêze en hjir bliuwt de linkerkant hieltyd yn byld. Wolst it letter oplade nij getpersonas.com, dan mei de bestânsgrutte net mear wêze as 300kb.

Firefox 3.5 beta 4 is lêste beta.

2009-04-28T10:05:00.000+02:00

Firefox 3.5 Beta 4 (earder bekend as Firefox 3.1) is no beskikber om yn te laden. Dizze ferzje is makke foar it testen fan de basisfunksjonaliteiten fan de ferskate nije funksjes dy't tafoege binne oan Firefox 3.5. De planning foar Firefox 3.5 kin folge wurde yn it Firefox 3.5 Planning Center (en) en ek yn mozilla.dev.planning (en) en op irc.mozilla.org yn #shiretoko.

Dizze beta is no beskikber yn 70 talen – download de ferzje yn byg. it Frysk en lit ús witte oft alles goed wurket of as der staveringsflaters yn sitte.

De nije eigenskippen yn dizze útjefte wêrfoar reaksjes frege wurde binne:

De nije moadus prive sneupe is ferbettere, mei û.o. de mooglikheid “Dizze webstee te ferjitten” yn de Skiednissidebalke.

Bettere prestaasjes en stabiliteit mei de nije JavaScript-motor TraceMonkey.

De mooglikheid om jo lokaasje (en) op te jaan me gebrûk fan webstanderts foar geolokaasje.
Stipe foar native JSON en webwurkerthread.

Ferbetterings oan de lay-outmotor Gecko, wêrûnder spekulatief parsen foar fluggere ynhâldswerjefte.

Stipe foar nije webtechnologieën lykas de <video>- en <audio>-eleminten, ynlaadbere lettertypen en oare CSS eigenskippen, JavaScript-sykopdrachtkiezers, SVG-transformaasjes en off-line-tapassings.

As jo dizze teste wolle, doch dat dan wol mei in nij profyl!

Personas foar Firefox

2009-04-08T12:35:00.000+02:00

Earder haw ik al ris skreaun oer Personas en doe hie ik in ôfbylding brûkt fan de Fryske flagge. No't de tafoeging ferzje 1.0 krigen hat is it bètastadium foarby en is der no ek in krease webstee makke mei in hiele protte ûntwerpen om dyn Firefox mei oan te klaaien.
As de tafoeging ynstallearre is yn Firefox en do besikest de Galery, dan kinst dyn Firefox oanpasse oan dyn eigen winsk. Tusken de no al hûnderten ûntwerpen stiet no ek ús Fryske flagge. Troch mei de mûs oer "Wear this" te gean, krijst al in foarbyld fan de ôfbylding yn de boppekant. Troch te klikken wurdt de Personas daliks brûkt.

Elkenien kin eigen ûntwerpen oandrage, en dy wurde dan nei in pear dagen online setten troch it team fan Personas, sadat elkenien oer de hiele wrâld it ûntwerp brûke kin.

Firefox 3.1 beta 3 is no beskikber.

2009-03-12T23:21:00.004+01:00

Firefox 3.1 beta 3 (of eins 3.5) is no beskikber om yn te laden fanôf www.mozilla.com.
Dizze ferzje is bedoeld foar it testen en foar ûntwikkelers. De útjefte-opmerkings kinne jo hjir lêze.
Nije saken binne û.o. Privee sneupe, fluggere javaskript en stipe foar nije web technologiën lykas de video- en audio-eleminten, de W3C Geolokaasje API, CSS 2.1 en 3 eigenskippen, SVG transformaasjes en offline applikaasjes.
As jo dizze teste wolle, doch dat dan wol mei in nij profyl!

Presintaasje MozCamp Utert online

2009-03-12T19:00:00.000+01:00

Se hawwe my frege om de saneamde slides (wa wit in moaie Fryske oersetting?) fan myn presintaasje online te setten. Ik haw it makke yn OpenOffice.org en nei wat sykjen fûn ik in fergeze tsjinst op Slideshare.
Hjirby dus hjirûnder de 6 blêdzjes dy't ik brûkt haw.

Moz Camp

View more presentations from Wim Benes.

The Influence of a Localization

2009-03-09T12:40:00.003+01:00

Since Mozilla started to see the importance of localization, the number of localizations has increased ever since. Of course they have been debating about the necessity to see if it was worthwhile.
It's really important if you ask me and after what I heard this week I am convinced. Here's the small note I'd like to share:
After the release of Thunderbird 3 beta 2 we made a pressrelease, that it was also becoming available in Frisian. Somehow (maybe accidently) it showed up in a Dutch newspaper, DePers, in the Frisian language (Friesland is a province of The Netherlands). This curious thing was being noticed by so many people that it was kind of "talk of the day" in some offices. Also including the local government Fryslân. From my localization co-worker I heard that the province government now was thinking of trying to implement the use of Thunderbird! So there's your influence of a Localization.

Let's hope Thunderbird will continue to evolve and can be used in larger offices with the ability to connect properly to collaboration services. On MozCamp I heard there is some development going on again for OpenExchange and Thunderbird.

First Mozilla Presentation at MozCamp in Utrecht

2009-03-06T13:48:00.005+01:00

So I did it, my first real short presentation for Mozilla.

Last week I was asked by Fabrice Mous from NOIV to do a small talk about the Dutch Mozilla Community. Well that's an honour, since I am not that a specific frontman of the community, more like the Frisian one. All I had to do is tell who I am and what I do for Mozilla.
After the introduction I told the audience of 70 people about my start with the internet by using Netscape in the early 90's, because it was fast and safe. And I continued to use it via Mozilla Suite, Phoenix, Firebird and Firefox throughout the years.
What made it interesting was the ability to change the programs as you like with little programs, called add-ons these days and see other people using and enjoying it. A larger change was the translation of Firefox into Frisian and started as a gimmick, but in 2005 I gathered some people to get it completely done and with 2.0.0.5 we had an official localization ready in 2006. Since last week there is also a Frisian Thunderbird in the bèta's, pretty nice!
So what about the Dutch Community? In my view there are a view important websites, namely:
www.mozbrowser.nl
www.mozilla-nl.org and
http://www.mozilla-europe.org
In the hallway I met some other people who are involved in development and Q&A, etc. All people who haven't met each other earlier, so this was a great chance to see the community is actually larger than the view I have. I guess th Dutch Community has some structuring to do to give them some sort of central place for all activities.

Right now I am listening to Paul Rouget talking about the canvas element while working on Tristans Hollywood entrance.

Earste Fryske testferzje Thunderbird

2009-02-27T11:12:00.005+01:00

It is safier, nei moannen hurd wurkjen oan de oersetting is der no einlik de earste offisjele Fryske Thunderbird 3. It programma is noch yn it bètastadium, mar elkenien kin no al besjen hoe't it wurket.
Wy binne tige bliid mei it resultaat en hoopje dat in protte minsken Thunderbird 3 brûke sille yn it Frysk as it ien kear folslein klear is. De definitive ferzje stiet plant foar foar de simmer. Wy hoopje dat dat slagget, want tsjin dy tiid komt ek de nije ferzje Firefox 3.1 út.

Yn elts gefal ha se in moaie nije webstee makke foar Thunderbird.

MozCamp yn Utert

2009-02-25T22:06:00.003+01:00

Freed 6 maart wurd yn Utert de earste gearkomst hâlden yn in reeks troch hiel Europa. MozCamp is in searje fan lokaal organisearre barrens fan minsken dy't mei passy dwaande binne en reitsje oer it Iepen Web. It is de bedoeling dat de MozCamp-gearkomsten romte biede foar diskusje, demonstraasjes en it tegaar betinken en útfieren fan aktiviteiten om it iepen en gearwurkjende karakter fan it ynternet te behâlden.

Yn Utert sille ferskate leden fan it Mozilla-projekt oanwêzich wêze, ûnder oaren Tristan Nitot. De Frânsman is oprjochter en foarsitter fan Mozilla Europe.

De folgjende partijen hawwe sich ferbûn oan de organisaasje fan 'MozCamp Utrecht': Internet Society Nederland (ISOC), de NLUUG, de Nederlânske Linuxbrûkersgroep (NLLGG) en it programmabureau NOiV.

As it yn it programma past, dan sil ik der ek noch in praatsje hâlde oer myn wurk foar Mozilla.

Mear ynformaasje oer MozCamp Utrecht op MozCamp/Utrecht

Firefox banners

2009-02-04T12:30:00.005+01:00

Mozilla is al in tiid dwaande om Firefox bekend te meitsjen by it grutte publyk. Dêrfoar ha se ûnder oare it webstee www.spreadfirefox.com opset. It is hielendal yn de gedachte fan Mozilla dat elkenien meiwurkje kin oan de fersprieding fan Firefox. Elkenien kin ideeën opjaan foar aktiviteiten en aksjes.

Ien derfan is it gebrûk fan banners op in webstee. Foarbylden binne te finen op http://www.spreadfirefox.com/affiliates/homepage. Ferline wike bin ik oan de slach west om de Fryske ferzje te meitsjen en it resultaat is no te finen op http://www.spreadfirefox.com/affiliates/homepage?category=27&locale=49#getbuttons.

Dus wolle jo meihelpe om Firefox bekender te meitsje en dan ek noch yn it Frysk, kies dan in banner út en pleats it op jo webstee. Hjirûnder in foarbyld:

Ubiquity logo út Drachten

2009-01-21T18:46:00.002+01:00

Mozilla Labs is it ûndersyksintrum fan Mozilla wêr't misken allegear ideeën oer it gebrûk fan ynternet betinke en útwurkje. Foarbylden dêrfan binne Weave, Snowl en Personas. Mei de lêste kinst it uterlik fan Firefox oanpasse, bygelyks om it hielendal Frysk te meitsjen:

Koartlyn is ek Ubiquity starten as ûnderdiel fan Mozilla Labs, wat ik ek al sjoen hie yn Barseloana. It programma is seker noch yn in eksperimentele fase, mar se binne ek al dwaande om it yn de takomst yn te bouwen yn Firefox. It komt der op del dat it mooglik is om mei kommando's bepaalde taken te starten. As de Tafoeging ynstalleare is kinst nei it yntypen fan Ctrl+Spaasjebalke de kommandorige nei foaren bringe. Foarbylden fan kommando's binne wiki, map en translate.
By sa'n nei programma heart natuerlik ek in moai logo en lit it no sa wêze dat se dêr de wrâldbekende Sebastiaan de With út Drachten foar frege hawwe. Op syn blog kinst de ûntwikling fan it logo folgje, wylst der op de blog fan Aza Raskin troch elkenien op reageard wurd.
Foarearst sjocht it der sa út:

Frysk Hânwurdboek

2009-01-21T18:37:00.001+01:00

Einlik is it klear, ús eigen Fryske Hânwurdboek mei 70.000 wurden mei in ferklearing yn it Frysk. Net earder wie der in wurdboek beskikber Frysk-Frysk sa as dit no gearstelt is.
De ynhâld is makke troch de Fryske Akademy en it twadielige boek mei CD wurd útjûn troch de Afûk. Moandeitemiddei wie ik by de útriking fan de earste eksemplaren oan minister Plasterk. Plasterk die syn taspraak hielendal yn it Frysk en die dat neffens my hiel goed, hast better as Reinier Salverda, direkteur fan de FA. Fierders wienen der taspraken fan de redaksjeleden wêrby die fan Hindrik Sijens wol it meast ynteressant en humorfol wie. Symboalysk oerhannige deputearre Jannewietske de Vries it hânwurdboek oan studinten fan de Fryske PABO's, omdat alle Fryske skoallen sa'n wurdboek krije.
Troch mear minsken is sein dat dit wurdboek bydraget oan de emansipaasje fan de Fryske taal en ik tink dat dat ek wier is. No noch oanleare om dat boek der wat faker by te pakken.

FOSDEM 2009

2009-01-14T12:41:00.002+01:00

Foar it earst haw ik in útnoeging krigen fan Mozilla om de FOSDEM 2009 te besykjen. FOSDEM is in organisaasje dy't sich dwaande hâldt mei it fersprieden fan fergese en iepen boarne software. Hjir kin ik de minsken wer moetsje die ek al yn Barseloana wienen, mar ek minsken fan oare programma's.
De gearkomste is yn Brussel op 7 en 8 febrewaris.

Mozilla docht ûndersyk "yn it Frysk"

2008-12-12T20:22:00.000+01:00

De Mozilla organisaasje wol graach witte hoe't Firefox it docht yn Nederlân. Derfoar ha se in fragelist online setten mei fragen oer it gebrûk fan Firefox, de bekendheid en û.o. it merk Mozilla.

Dizze fragelist is folslein yn it Frysk, sawol de útlis as de fragen. De sammele resultaten sille publisearre wurde, mar der wurdt gjin persoanlike ynformaasje bewarre of publisearre. It nimt net mear as 5-10 minuten tiid. Ek as jo gjin Firefox brûke kinne jo de fragelist ynfolje.

De fragelist is te finen op:
http://surveys.mozilla.org/?id=16&plocale=fy-NL

Mozilla Firefox 3.1 bèta 2 release

2008-12-09T12:41:00.003+01:00

Mozilla hat wer in nije bèta fan Firefox útbrocht om te testen. Dizze kin ynladen wurde fanôf:
https://www.mozilla.com/en-US/firefox/all-beta.html
Natuerlik stiet de Fryske ferzje dêr ek wer tusken foar Windows, Linux en MacOS. Nije saken yn dizze ferzje binne û.o.:

Privee navigaasje: sneupje sûnder dat Firefox ek mar iets bewarret
maklik de lêste skiednis fuortsmite
nije Tracemonkey Javaskript motor
ferbettere Gecko motor foar flugger toanen fan websides
stipe foar en -eleminten, ensfh.

Mear ynformaasje is te finen op:
http://www.mozilla.com/en-US/firefox/3.1b2/releasenotes/

Mozilla Manifesto

2008-12-03T18:44:00.001+01:00

De Mozilla organisaasje hie my frege om it Manifesto bestân oer te setten. In tige dreech stik ast it earst trochlêst, mar dat wie foar my wol in útdaging. De Hollânske ferzje moast ek noch, dus dêr bin 'k earst mar mei oan de gong gien.
Normaal soest oer sa'n manifest net sa lang trochtinke, mar foar it oersetten lêst it kear om kear troch. En dan komst wol ta ûntdekking dat de ideeën fan Mozilla weardefol binne. Do krijst in goed byld fan wat de organisaasje útdrage wol.
Se dogge dat troch 10 basisprinsipes dy't neffens Mozilla belangryk binne foar de ûntwikkeling fan it Ynternet. Ek wurdt der praat oer it útdragen fan dy ideeën, dit blogpost is der ien fan.
It manifest kinst trochlêze op:
http://www.mozilla.org/about/manifesto.fy-nl.html

Did I become a Mozillian?

2008-10-29T22:28:00.014+01:00

So hey, did you all Mozillians get home save? I have had a tremendous time meeting you all as this was the first time for me. It was great to be able to speak to the "leaders" of the different products face 2 face and I think William and Delphine did organize it very well.

Starting off with some inspiring keynotes from Tristan Nitot, John Lilly, Aza Raskin and David Ascher we really got a sneak peak of Mozilla's future ideas. And all was almost realtime viewable online thanks to the splendid videocapabilities from Citilab, which was much appreciated at home :) .

In the afternoon talks and discussions about localizations and stuff. Seth mentioned that there were already 56 languages available and with 3.0.4 there would be 6 more! That's a great number and it is still growing. As a localizer it's also cool to see "your" language on the slideshow (1st column, 3rd from the botttom).

I also had to deal with my great friend from Sweden, David Tenser, pushing us to dive into the Mozilla Knowledge Base SUMO. And that's what I did when I came home. Most of the user interface has been translated into Frisian and we will get started with some articles.

Dinner at the beach at the Salcafé was great and that's where the Dutch Mozillians hooked up for a while. Despite the small country, there were 5 from the Netherlands, 2 localizers (nl and fy-NL), 1 developer, 1 theme creator and 1 from QA. I also met the guys from joost who actually work in The Netherlands.

During lunchtime I met Simon Paquet and we had some great talks about communication channels for the Thunderbird proces. One might have jumped to other conclusions if you would have met him later that evening on our way back to the hotel. He was in a pretty bad state as you can see in the pic and starting to talk visual binairy language using his middlefinger for 1 and thumb-pointingfinger for 0 :).

Sunday was a bit strange with canceled sessions and sore heads, but anyway the discussions about the future goals for 2010 really gave me the idea to participate in the future of the internet.
Also interesting was Ubiquity, one new way to access the internet.

All in all I have had a great, inspiring conference to remember and I hope to see you all the next time!

In prachtige gearkomst

2008-10-26T09:46:00.007+01:00

Wat in geweldich barren wie dit. It wie ien grutte miks fan ferskate persoanlikheden oeral út Europa en Amearika. Der wienen ûntwiklers, minsken fan QA (kwaliteit) en oersetters út hast alle Europeeske lannen. Sa haw ik einlik byg. de oersetter fan de Nederlânske ferzje Tim Maks foar it earst moette. Mar der wienen noch mear Hollanners, 1 ûntwikler, 1 temamakker en 1 fan QA fan Mozilla. En wy hawwe plannen mei namme foar it kennissintrum. Wy wolle graach ien grut sammelplak hawwe wêr't minsken help krije kinne, mar ek ynformaasje oer Mozilla en byg. iepen boarne. Wurd ferfolge....

Wy hawwe presintaasjes hân fan minsken fan Mozilla, frijwilligers en oare leafhawwers. En dat is wol in ding wat elkenien lyk hat: de leafde foar dizze iepen boarne organisaasje. It is unyk te neamen dat sa'n protte minsken, dy't inoar hast noait moete hawwe, allegear gearwurkje kinne.
Wy hawwe ek diskusjes hân mei de ûntwiklers fan de ferskate programma's lykas Thunderbird. Ik haw al in pear leuke dingen sjoen foar ferzje 3, byg. konfersaasjes wèrjaan op in tiidbalke en it gebrûk fan ljepblêden mei E-mail, aginda en taken.
Der wie in brainstormsesje mei de belangrykste minsken fan Mozilla oer de doelen foar 2010. Dan krijst echt it gefoel mei te wurkjen oan de takomst fan it ynternet.
Ik kin tink noch wol in pear blêden delskriuwe, mar ik li it earst hjirby. Ast benijd bist kinst hjirûnder wol opmerkings pleatse. Foar de Ingelsktaligen komt der noch in nij berjocht mei wat foto's en keppelings. Der stean ek al ferskate foto's op de Spaanske mienskipside.
Wolst sels soks ris meimeitsje, de earstfolgjende gearkomste is op FOSDEM ein febrewaris yn Brussel.

Live bylden fanút Barseloana

2008-10-24T12:39:00.002+02:00

De organisators hawwe it mooglik makke om online mei te sjen en lústerjen nei de earste lêzings dy't moarns plakfine yn it auditorium. Se kinne besjoen wurde fia de folgjende keppeling:
http://i2catvserver.i2cat.net/citilab. De live bylden binne yn hege kwaliteit beskiber.
En no sil de reis begjinne ......

Earste alfa-ferzje Fennec

2008-10-21T15:10:00.002+02:00

De earste alfa-ferzje fan Mozilla Fennec is beskikber en kin ynladen wurde fanôf de side fan Mozilla. Op dit stuit is dizze ferzje allinnich geskikt foar de Nokia N810 Internet Tablet mei OS2008, mar se ha der ek foar soarge dat it programma op in kompjûter draaie kin mei Windows, Linux of MacOs troch gebrûk te meitsjen fan XULrunner. Op de pc rint it wat oars, byg. de skowknop fan de mûs skowt de side net, mar sil yn- of útzoome op de side. Om de side te skowen moast mei links klikke en nei ûnder of boppe sleepje. Fierder wurket it wol hiel fluch. Flash is op dit stuit noch útskeakele troch wat problemen.
Oare talen binne noch net beskikber, de planning is dan ek aardich rom, 2010 moat it klear wêze. Toch haw ik in lytse poging dien om it oer te setten, sjoch derfoar de ôfbylding hjirboppe.

EU MozCamp 2008 Barseloana

2008-10-21T12:40:00.002+02:00

Foarige wike haw ik in útnoeging krige om del te kommen yn Barseloana foar in konferinsje organisearre troch Mozilla.
Sa bin ik einlik yn de gelegenheid om de minsken te moetsjen dy't ik oant no ta allinninch fia e-mail en chatsesjes moette haw.
Der sil praat wurde oer de ûntwikkelings fan de ferskate programma's fan Mozilla, de sytemen dy't brûkt wurde om de programma's oer te setten en de kwaliteit. Sels bin ik benijd nei hoe't it giet mei Thunderbird en Calendar, omdat wy op it punt steane om dy yn it Frysk oer te setten.
Oare wike in ferslach fan dizze reis......

Mozilla Mobyl mei Fennec

2008-10-08T15:17:00.002+02:00

Mozilla sil ynkoarten komme mei de earste alfa-ferzje fan Fennec, de ferzje fan Firefox foar mobyltsjes.
Soe my wol moai talykje as dy ek yn it Frysk beskikber komme kin. Der binne al plannen om it programmaatsje beskikber te meitsjen yn de saneamde "repositories", sadat elkenien dy't ferantwurdlik is foar syn taal, de oersetting meitsje en oplade kin. As it sa fier is, dan sil ik hjir wer oer blogge.
De namme Fennec sil letter Firefox mobile wurde.

Wolkom

2008-10-01T13:25:00.005+02:00

In Blog meitsje hoe giet dat eins?
Wel, ferrassend simpel hjir by blogspot.
No noch folje mei ynhâld en blog mar in ein fuort.

Myn doel? Blogge oer Frysk sêftguod, mar mei nammen oer Mozilla programma's lykas Firefox, Thunderbird en Calendar. Wat bart der allegear, nije ferzjes, nije oersettings, wurdbetingsten, ensfh.

Reaksjes binne wolkom!